Terminalni Shaxsiylashtirish

Linux foydalanuvchilari ko‘p vaqtlarini terminalda o‘tkazadilar. Shu sababli, terminalni o‘zingizga moslab shaxsiylashtirish, ko‘rinishini estetik va qulay qilish juda muhim. Bu ish unumdorligini oshiradi va ishlash jarayonidan zavq olishga yordam beradi.

Dastlab, terminal shell‘ini yangilaymiz. Standart bash shell‘i o‘rniga ko‘proq imkoniyatlarga ega bo‘lgan zsh shell‘idan foydalanamiz. Bu huddi CMD‘dan PowerShell‘ga o‘tganday farq qiladi.

Shell‘ni o‘rnatish uchun quyidagi buyruqni kiriting:

sudo apt install zsh curl git -y

Bu yerda:

• zsh – yangi shell dasturi,

• curl – internetdan fayllarni yuklash uchun vosita,

• git – plaginlarni GitHub kabi manbalardan yuklash uchun kerak.

Shell o‘rnatilganidan so‘ng, Oh My Zsh nomli kengaytmani o‘rnatamiz. Bu kengaytma orqali terminalingiz ko‘rinishi va funksional imkoniyatlarini sezilarli darajada yaxshilashingiz mumkin.

O‘rnatish uchun quyidagi buyruqdan foydalaning:

sh -c "$(curl -fsSL https://raw.githubusercontent.com/ohmyzsh/ohmyzsh/master/tools/install.sh)"

O‘rnatish davomida sizdan standart shell‘ni zsh ga o‘zgartirish kerakmi, deb so‘raladi. Yozuvga “y” tugmasini bosib, tasdiqlang.

Terminal Temalari va Ranglar

Terminalingiz ko‘rinishini mavzu (tema) orqali o‘zgartirish mumkin. Oh My Zsh bilan birga ko‘plab tayyor mavzular keladi. Sizga yoqqan mavzuni tanlash uchun konfiguratsiya faylini (~/.zshrc) tahrirlang va quyidagi satrni o‘zgartiring:

ZSH_THEME="flazz"

Flazz – bu minimalist mavzu bo‘lib, ko‘pchilik tomonidan seviladi. Boshqa mavzularni bu yerdan topishingiz mumkin: Oh My Zsh Temalari.

Plaginlar bilan Ishlash

Terminalingiz imkoniyatlarini kengaytirish uchun plaginlardan foydalaning. Masalan, “zsh-syntax-highlighting” plagini buyruqlarni rangli qilib ko‘rsatadi va xatolar haqida ogohlantiradi.

Plaginni o‘rnatish uchun quyidagi buyruqni ishlating:

git clone https://github.com/zsh-users/zsh-syntax-highlighting.git ${ZSH_CUSTOM:-~/.oh-my-zsh/custom}/plugins/zsh-syntax-highlighting

Plagin muvaffaqiyatli yuklanganidan so‘ng, uni faollashtirish uchun ~/.zshrc faylini tahrirlang va plugins massiviga quyidagi qatorni qo‘shing:

plugins=(git zsh-syntax-highlighting)

Faylni Saqlash va Amaliyotga Tatbiq Etish

Tahrirlashni tugatganingizdan so‘ng, CTRL + S tugmasini bosib faylni saqlang va CTRL + X tugmasi bilan fayldan chiqing. O‘zgarishlarni qo‘llash uchun quyidagi buyruqni kiriting:

source ~/.zshrc

Endi terminalingiz yangicha va samaraliroq ko‘rinishga ega bo‘ldi.

Qo‘shimcha Maslahatlar

• Terminal ranglarini sinovdan o‘tkazing va o‘zingiz uchun qulay sxemani tanlang.

• Plaginlar va mavzular bilan tajriba qiling.

• Aliaslar va avtomatik buyruqlar yordamida ish jarayonini optimallashtiring.

Mana endi, terminalingiz sizga mos ravishda sozlangan va undan foydalanish ancha yoqimli bo‘ldi!